akuza

Helmet e shtatorit dhe Ilir Meta

Postuar në 09 Shtator, 2015 11:25

Jemi vetëm në fillim të muajit që bashkon dhe ndan verën e vjeshtën dhe befas na bënë të harrojmë edhe detin, edhe malin, edhe pushimet.

Si një telenovelë e lënë përgjysmë, mbas “Çështjes Doshi”, ku Ilir Meta akuzohej për një histori hollivudiane me plane të stërholluara vrasjesh dhe pusirash, që më pas, pas zhurmës së tmerrshme, ku dhe mbeti në fund vetëm një pluhur i tmerrshëm, tani seriali rifillon sërish.

Fiasko apo llogari e PD-së me çështjen “Meta” dhe “Avioni 2” për Tahirin?

Postuar në 08 Shtator, 2015 21:37

Partia Demokratike po rrezikon besueshmërinë e vet edhe për deklaratat publike. Ka dy momente së fundmi që krijuan furtunë në jetën politike të vendit, të cilat provojnë se PD-ja, më shumë sesa ka luajtur rolin e vet institucional, duket se ka luajtur poker politik. Rasti i parë është akuza për avionin me drogë që u kaq pak ditë më parë në Itali. U akuzua ministri i Brendshëm, Sajmir Tahiri, i cili kundërshtoi duke thënë se avioni kishte lëvizur brenda territorit italian. Sot, Top-Channel, ka pyetur shefin e Interforce në Tiranë, që konfirmon versionin e ministrit.

Shënim: Na zbardhni marrëveshjen që keni bërë me të Fortët!

Postuar në 07 Shtator, 2015 12:41

Çështja e fundit e Lagunës së Patokut ka risjellë në vëmendje kontratën e politikës me njerëz extrapolitikë; shërbimin reciprok që bëhet në kësi rastesh, por që nuk mund të shmangë me sa duket eksese të tilla me pasoja. Por - sepse ka përherë një Por - ka një sens realizmi në këtë marrëveshje që bën politika me botën e krimit. Këtë "Por", është përpjekur ta sqarojë në gazetën e Koço Kokëdhimës, Arben Rrozhani, i cili thotë se kjo erdhi prapë për faj të Saliut. “Jo vetëm në pushtetin qendror, vendor, por edhe në Gjyqësor dhe Legjislativ.

Reagon Tahiri: Akuzë ndaj Berishës. Dhe një paralajmërim për media “që duhet zbardhur me çfarë financohen”

Postuar në 06 Shtator, 2015 15:00

Ministri i Brendshëm, Sajmir Tahiri, ka reaguar sot ndaj akuzave që i janë bërë nga PD-ja dhe mediat. Përmes një postimi në Facebook, Tahiri jep versionin e tij, kryesisht një kundërakuzë ndaj Sali Berishës dhe PD-së, por nuk ka lënë jashtë as ndonjë media ndaj së cilës bën insinuata.

Shënim: Ortakë pastaj rivalë

Postuar në 04 Shtator, 2015 23:47

Fundi i verës dhuroi edhe njëherë spektaktlin politik të radhës, i bërë i zakonshëm, me akuza penale për trafiqe, rryshfete në miliona euro e përfshirje në aktivetet kriminale të zyrtarëve të lartë. Akuzat për Sajmir Tahirin, nga ish-shefi i antidrogës në Fier, por edhe akuzat e radhës për Ilir Metën, u shfaqën si fishekzjarre pa zhurmë në qiellin e errësuar të krizës politike e ekonomike në Shqipëri.

Çështja “Meta2”, mbyllet me një faksimile. Dhe një deklaratë të Berishës: Unë nuk dija gjë

Postuar në 04 Shtator, 2015 21:53

Me qetësi dhe dashuri, Ilir Meta duket se e ka zgjidhur edhe kësaj radhe lëmshin e akuzave qe është ngritur ndaj tij. Në media është publikuar faksimile e kontratës DIA-CEZ, e datës 1 shtator 2010, kohë kur Ilir Meta ishte ministër i Jashtëm. Ai akuzohet për marrje rryshfeti për kontratën e mbledhjes së borxheve të CEZ dhe kjo akuzë del në dosjet e avokatëve të OShEE-së, ent që kontrollohet nga Partia Socialiste.

Ilir Meta më i "zgjuari", hi syve edhe për gjobat e CEZ. Berisha: Rama bën dudumin

Postuar në 04 Shtator, 2015 14:00

 

Reagon ish-kryeministri Berisha, një ditë pas publikimit të shkrimit në BIRN, ku hidhen dyshime se Ilir Meta ka marrë ryshfet nga një kompani që mblidhet borxhet e CEZ. Meqë bëhet fjalë për kohën kur qeveriste me Metën, Berisha thotë se ai nuk e ka autorizuar që të negociojë me çekët që Kastriot Ismailaj të mblidhte borxhin e CEZ.

Ia ngeci Shqipërisë, por tani PD flet ndryshe: “Marrëveshjea konçesionare me “Rapiscan”, do të sjellë rritje çmimesh”

Postuar në 30 Gusht, 2015 16:40

Në Shqipëri bën vaki çdo gjë. Një nga këto gjëra që pak priten është kritika e sotme e gazetës zyrtare të Partisë Demokratike ndaj marrëveshjes konçesionare për skanimin në dogana, fituar nga kompania “Rapiscan”. Në një shkrim të vetin për rritjen sërish të çmimeve të hidrokarbureve, “RD” e arsyeton këtë pikërisht me kostot që sjell aktivizimi i marrëveshjes konçesionare me “Rapiscan”, që tarifom për çdo deklaratë me 22 euro. “Edhe pse qeveria pretendon se çmimi i naftës do të fillojë të bjerë, duke filluar nga muaji i ardhshëm, krejt të kundërtën thonë shoqatat e hidrokarbureve.

Fotopolitikë/LSI, axhendë e posaçme e PD-së

Postuar në 30 Gusht, 2015 16:16

Faqja e parë e gazetës zyrtare të PD-së, hapet me një akuzë për vrasje, sërish në adresë të LSI-së, e për rrjedhojë, kreut të saj, Ilir Meta. Ndërkohë sot, u njoftua se PD-ja nuk do të zhvillojë protesta në shtator, pa dhënë arsye. Por protestat gjithsesi do të rikrijonin qoftë edhe virrualisht frontin PS-LSI. Kurse dje, Andrea Stefani, një analist i afërt me qeverinë dhe kryeministrin, apelonte për mbështetje popullore për "krjimin e shtetit të së drejtës", thirrje që duket sikur i paraprin ndonjë aksioni të palajmëruar.

Pages

Subscribe to RSS - akuza