16 shkurti

Opozita ka deklaruar sot se protesta do të vijojë të enjten. Kështu Monika Kryemadhi, kështu Gazmend Bardhi, kështu edhe Lulzim Basha.

Deri një ditë më parë saj, të gjithë këta deklaronin se nuk po proteston opozita, por populli. Dhe se opozita I shkon nga pas. Ndaj mund të pyesim: ku e dinë këta se kur do protestojë populli sërish?

Në Tiranë ka nisur protesta e opozitës e cila ende nuk ka zbuluar drejtimet e saj. Gjëja më e dukshme e saj është prezenca e shtuar skajshmërisht e forcave policore dhe mjeteve të blinduara. Protesta në vetvete është padyshim ngjarja kryesore e ditës së sotme, ndërkohë që kryeministri është në Vlorë për të mbajtur monologun e zakonshëm që nuk thotë gjë dhe as provokon më as për përmbajtjen e vet retorike. 

Opozita parlamentare në Shqipëri ka paralajmëruar se do të protestojë më 16 shkurt kundër qeverisë. Përfaqësues të saj kanë dalë në seri për të njoftuar lloj lloj skenarësh, mes të cilëve edhe ai më i dashuri për mëmëdhetarët: populli do marrë në dorë fatet e saj. Si një konglomerat formacionesh politike që e ndjejnë se nuk kanë këllqe, mundësi dhe as kapacitet për të çuar në radikalizimin e protestës si akt politik i përgjegjshëm, opozita po ja lë në topin në derë popullit. Që në këtë rast mund të jenë militantë të saj që do të testojnë ndonjë gjë të papritur.

Dëgjoni se çfarë ka deklaruar Edi Rama me të vetët pak ditë para protestës së 21 janarit 2011: 

Pothuajse të njëtën gjë ka paralajmëruar edhe Lulzim Basha sot në Ballsh: