Veriu i Kosovës, kriminelët e djeshëm si biznesmenë të sotëm. Ja si arrihet paqja dhe bashkëpunimi

Postuar në 13 Korrik, 2015 09:41

Ja mënyra sesi arrihet paqja dhe bashkëpunimi në Kosovë. Rrjeti Ballkanik për Gazetari Hulumtuese (BIRN) ka zbuluar fakte që krimineli i shndërruar në biznesmen (siç ndodh rëndom) serb i veriut të Kosovës, Zvonko Veselinoviç, ka qenë nënkontraktor për një kompani të njohur që është në pronësi të shqiptarëve të Kosovës dhe e lidhur me PDK, në zinxhirin e punimeve të gjigantit Bechtel-Enka për autostradën e madhe Prishtinë-Tiranë.

Veselinoviç ka qenë anëtar i grupit serb tashmë të shpërbërë, të njohur si Rojat e Urës, që fajësohet për sulme ndaj shqiptarëve në qytetin e ndarë të Mitrovicës. Ai pranon që ka luajtur një rol të madh në trazirat e korrikut 2011. Gjatë atyre tetë muajve të nxehtë, pikat kufitare ishin djegur, në veri të Kosovës u vendosën barrikada nga zhavorri dhe kamionë, një polic i Kosovës ishte vrarë dhe një numër i paqeruajtësve ndërkombëtarë dhe protestuesve ishin lënduar. Veselinoviç është nënvizuar si ndër elementet kyçe kriminalë të veriut të Kosovës, që e kanë mbajtur enkas të trazuar situatën, për të mundësuar zhvillimin e lirshëm të trafiqeve dhe kontrabandës me të dyja anët e kufirit.  Siç rezulton nga BIRN, tashmë oreksi është rritur dhe paqja... është arritur.

a.k

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.