Qeveria ka nevojë për para. Nxjerr në shitje INSIG, kompaninë publike të sigurimeve

Postuar në 10 Korrik, 2015 11:14

Qeveria nxjerr në shitje kompaninë publike INSIG. Kjo kompani do të privatizohet përmes një tenderi të hapur. Qeveria ka miratuar propozimin e Ministrisë së Zhvillimit Ekonomik, sipas të cilit shoqëria financiare do të shitet në masën 100 për qind. Një vendim i Këshillit të Ministrave ka përcaktuar edhe kriteret e vlerësimit të ofertave. Sipas formulës, peshën më të madhe të pikëve, prej 80 për qind, do ta ketë çmimi i ofruar, ndërsa plani i biznesit dhe cilësia e blerësit do të kenë respektivisht nga 10 pikë.  Paralelisht, çdo ofertues duhet të garantojë ofertën e tij me një depozitë fikse prej 30 milionë lekësh. Sipas vendimit, kushtet e kontratës që do të lidhet me shoqërinë fituese duhet të marrin miratimin nga Autoriteti i Mbikëqyrjes Financiare. INSIG është një ndër kompanitë e pakta që kanë mbetur ende me pronësi publike. Edhe pse pesha e kompanisë është tkurrur, të ardhurat e saj janë rritur me 14 për qind për shkak të rritjes së çmimeve për siguracionet e detyrueshme të automjeteve.

Comments

Submitted by Ndricim Sabahu (not verified) on

<p>Si zakonisht te tilla lajme kalojne ne plan te dyte ndersa lajmet sportive ne plan te pare. Ia ka lene i ati apo e ema INSIGun qe duan ta shesin?</p><p>Duhet nej Vetevendosje! edhe ne Shqiperi.</p>

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.