Konkursi për hyrjen te liqeni, PD: “Veliaj nuk lë pusetë dhe fëmijë rom pa shfrytëzuar për të dalë në tv. Të deklarohet edhe për këtë çështje”
Partia Demokratike ka reaguar sot lidhur me konkursin për hyrjen në parkun e liqenit. Deputetja Jorida Tabaku e ka vlerësuar projektin si vazhdim të modelit të betonizimit në Bashkinë e Tiranë, duke shtruar edhe një pyetje që e bëjnë të gjithë: Ku është Erjon Veliaj? “Nuk besoj që do të jetë e largët dita kur ne do të shohim edhe në Sheshin Skënderbej të njëjtin projekt; betonizim. Betonizim aty ku ka hapësira publike sepse sigurisht që hapësirat private do kthehen në hapësira të gjelbërta. Nuk besoj që do të jetë e largët dita kur ne do të shohim Parkun e Liqenit të Tiranës të betonizuar. Kjo është arsyeja pse u bllokua projekti i rigjallërimit të Sheshit Nënë Tereza, sepse nuk u miratua nga qeveria. Kjo është arsyeja pse shumë projekte të tjera të propozuara nga Bashkia e Tiranës nuk morën jetë, sepse kishin shpallur në mënyrë të fshehtë dhe tinzare konkurse për të realizuar të gjithë qëllimet e tyre klienteliste. Përfitoj nga rasti t’i bëj thirrje kryetarit të ri të Bashkisë z.Erion Veliaj, i cili nuk lë rast pa u shfaqur në televizion, që nuk lë pusetë dhe fëmijë rom pa shfrytëzuar për të dalë në televizion, ndërkohë që ditët e fundit e kemi parë që është zhdukur, të dalë e të deklarojë që ai nuk ka për të lejuar që ndërtimet të zënë frymën e Parkut të Liqenit të Tiranës,” tha Tabaku.
s.z
Comments
E para, Erivelin mos e
<p>E para, Erivelin mos e shqetesoni se ky ko... aq celesat e kashtes nuk ka ne dore. Nese doni te flisni me kryetarin e bashkise, kerkoni te flisni me Ramen. </p><p>E dyta, me vjen mire qe PD-ja po reagon nja 7 dite mbasi reagoi populli. </p><p>E treta, po mire a do thone gje Tabaku me Ennnnnnnnon per faktin se sipas Bojaxhiut keto troje jane dhene per ndertim me planin urbanistik te miratuar kur kane qene keta nenkryetar te kryetarit Basha?!!!!!!</p>
Add new comment