Fatos Tarifa: “Ligji “Për arsimin e lartë” është shumë i mirë”. Prova? “Atë po e shan Kastriot Islami”

Fatos Tarifa shkruan sot një opinion në gazetën “Mapo” që i shtohet debatit për ligjin e sapomiratuar “Për arsimin e lartë”. Opinioni i Tarifës polemizon me Kastriot Islamin, për të cilin Tarifa nuk i kursen sulmet. “Lexues të nderuar! Vini re! Ligjin për arsimin e lartë po e “kritikon” e po shan K. Islami, politikani shqiptar më obskur, më i dështuar e më famëkeq në çerekshekullin e fundit...Për shkak se ai ka dështuar në çdo sipërmarrje akademike e politike, në të cilën është angazhuar deri më sot, mund të thuhet me plot gojën se, nëse K. Islami e kritikon sot ligjin për arsimin e lartë, kjo është një tjetër provë se ky ligj është shumë i mirë. Shqetësim do të ishte nëse Islami e përkrahte këtë ligj, pasi, në atë rast, askush nuk do të besonte në risitë, në vlerat dhe në rëndësinë e këtij ligji. Sepse, si mundet që dikush t’i besojë një “profesori” fizike, i cili, për njëçerek shekulli, nuk ka hyrë asnjëherë në një laborator, nuk ka bërë kurrë një studim, nuk ka botuar kurrë një artikull, ose një libër në atë fushë, nuk ka dhënë për vite me radhë një orë mësimi në universitet? K. Islami mund të jetë çdo gjë publike, por jo një figurë publike ose një zë publik që mund të dëgjohet e të besohet”, shkruan ndër të tjera Tarifa.
s.z