Me qeverinë shqiptare vështirë të flitet, familjarët e ushtarëve grekë kërkojnë ndihmën e mediave(bashkëngjitur marrëveshja mes dy vendeve)
Shoqata e të Afërmëve të të Rënëve të Eposit grek i kërkon qeverisë shqiptare të lejojë mbledhjen e eshtrave të të afërmëve të tyre që u vranë gjatë luftës Italo-Greke në vitet 1940 – 41 dhe varrimin në Varrezat Ushtrarake, ashtu siç parashikon marrëveshja me qeverinë shqiptare.
Me anë të një letre drejtuar mediave shqiptare shoqata kërkon që të zbatohet marrëveshja që u firmos në Tiranë më 9.2.2009, ku ndër të tjera theksohet: « [….Duke njohur dimensionin human dhe rëndësinë etike që ka varrimi me respekt dhe dinjitet i ushtarakëve Grekë që ranë në operacionet luftarake gjatë Luftës Italo-Greke të 1940 – 41 në Shqipëri ....».
“Pasi kaluan mbi shtatëdhjetë vjet që nga Lufta Italo-Greke dhe gjashtë vjet nga nënshkrimi i Marrëveshjes së mësipërme, përparësi në rradhë të parë, ka fillimi i menjëhershëm i punimeve në terren me qëllim kërkimin, zhvarrimin, identifikimin dhe varrimin e të rënëve Grekë të luftës. Njëkohësisht, duhet të mblidhet përsëri Komisioni Miks i Ekspertëve Grekë dhe Shqiptarë, i cili u ngrit në bazë të Marrëveshjes (Neni 3, par. 5), dhe është mbledhur vetëm një herë në dt. 25.04.2012, kur hartoi Rregulloren e brëndëshme, por pa u zbatuar asnjë prej vendimeve të tij.”-shkruhet në letër.
Shoqata kërkon ndihmën e mediave për të adresuar këtë shqetësim të saj që mesa duket politika nuk po I jep zgjidhje “Për shkak të rëndësisë shumë të madhe dhe të karakterit human dhe moral të kësaj çështjeje që qëndron prej vitesh pezull, lutemi që të jipni kontributin tuaj për trajtimin e saj të menjëhershëm, gjë që sigurisht do të ndikojë edhe tek marrëdhëniet dypalëshe por edhe në forcimin e besimit midis dy vendeve dhe dy popujve tanë, të cilët duhet të bashkëjetojnë, në mënyrë paqësore dhe krijuese, në kuadrin e Bashkimit Europian.”-thuhet në letër.
Comments
dhe mediat filogreke po
dhe mediat filogreke po ndihmojne!
www
PO QONI MER VARROSNI GREQI PSE NE sHQIPRI
Add new comment