Ish-drejtuesit e "Mjaft" bashkohen sërish. Arbër Mazniku kalon nënkryetar i Bashkisë së Tiranës me kërkesë të Veliajt dhe pëlqimin e Endri Fugës

Krahu i djathtë i Erion Veliajt në bashkinë e Tiranës me shumë gjasë do të jetë një nga bashkëpunëtorët e e tij më ngushtë në drejtimin e Lëvizjes "Mjaft". Bëhet fjalë për zv/ministrin aktual të Arsimit, Arbën Mazniku, i përfolur së fundmi për abuzime, të gjetura nga kontrolli i Kontrollit të Lartë të Shtetit. Gazeta "Panorama" raporton se kryeministri Rama ka këmbëngulur që Mazniku të qëndrojë në postin e zv/ministrit të Arsimit për meritat që ka në hartimin e Ligjit të ri për Arsimin e Lartë, por Veliaj duket se e ka bindur kryeministrin Rama për të patur si nënkryetar të Bashkisë së Tiranës, Arbër Mazniku. Në këtë vendim mësohet se ka ndikuar edhe pëlqimi i dhënë nga Endri Fuga, këshilltar i kryeministrit, dikur edhe ai aktivist drejtues i Lëvizjes "Mjaft". Në pritje për një propozim nga Veliaj është edhe Elisa Spiropali, e cila tha se do të pranonte vetëm propozime për detyra në lartësinë e punëve që ajo di të bëjë.
Lëvizja Socialiste për Integrim ka bërë të ditur emrin e zv/ministres së Turizmit Brunilda Paskali në postin e nënkryrtares së Bashkisë së Tiranës. Për këtë detyrë u përfol edhe ministrja e Integrimit Klajda Gjosha, por në fund është rënë dakord për Paskalin. Ndërsa Fryma e Re Demokratike ka propozuar Andi Seferein. Nj post nënkryetari në Bashkinë e Tiranës mësohet se do të kenë edhe çamët e PDIU-së.
l.m