Le Point: Gjermania, Bordello më e madhe e Europës ...

Gjermania, Bordello e Europës...Ky është titulli i revistës franceze Le Point për prostitucionin në vendet e Europës. Sipas saj, brenda 15 vjetësh Gjermania është kthyer në "bordellon më të madh të Europës" me nxitjen më të madhe në tregun e prostitucionit. Revista citon aspekte të organizatës Gewerbe Deutschland (UEGD), që përfaqëson interesat e industrisë së prostitucionit.

Sipas të dhënave, Gjermania ka  3.500 bordello, 500 prej tyre në Berlin.  Në vitin 2013 qarkullimi  vjetor arriti në 14, 5 miliardë Euro! Kjo shumë është tre ose katër herë më e madhe se të ardhurat e shtëpive publike para vitit 2002, pra para prostitucionit legalizuar në Gjermani. Është vlerësuar se në vend janë 400,000 prostituta me një milion klientë.

Parlamenti gjerman (Bundestagu) në korrik të vitit 2016 miratoi një ligj të ri për të qartësuar kornizën ligjore për funksionimin e shtëpive dhe mbrojten e prostitutave. Sipas ligjit të ri përdorimi i prezervativëve bëhet i detyrueshëm, prostitutat duhet të deklarojnë "profesionin" pranë autoriteteve shëndetësore, ndërsa pronarët e bordellove duhet të marrin  autorizim nga autoritetet.

Në Francë, numri i prostitutave është 10 herë më i vogël, ndërsa në  Holandë 15. Shumica e prostitutave janë gra emigrante të cilat nuk kanë dokumente zyrtare dhe kanë ardhur kohët e fundit nga  vende si Shqipëria, Nigeria dhe Evropa Lindore.

"Biznesi i seksit" në Shtutgart

Bordello “Pussy Club”, e cila hapi dyert e saj në vitin 2009 në Shtutgart, 100 km nga kufiri me Strasburgun u premton të konsumatorëve të gjitha llojet e seksit, "në të gjitha mënyrat që ata duan", "seks anal", "seks oral pa prezervativ" , me çmim fiks 'paketë',  70 euro gjatë ditës dhe 100 euro për një natë shërbimesh. Vetëm fundjavën e parë rreth 1,700 njerëz kalouan pragun e kësaj bordelloje. Legjislacioni në fuqi  u jep të drejtë  prostitutave të padisin punëdhënësin e tyre në rast mospagesash.

https://www.lepoint.fr/societe/l-allemagne-plus-grand-bordel-d-europe-02-04-2019-2305174_23.php