Presidenti dekoron Agur Vrenozin: "Për aktin e tij vetmohues në mbrojtje të jetës së bashkëqytetarëve"

Postuar në 05 Mars, 2018 11:22

Presidenti i Republikës, Ilir Meta, ka dekoruar me  “Dekoratën e Artë të Shqiponjës”(pas vdekjes), të ndjerin Agur Vrenozi, qytetari fierak që humbi jetën pasi ndërhyri për të ndihmuar një bashkëqytetar që po grabitej. Fjala është për ngjarjen e rëndë të Fierit, ku disa grabitës tentuan të merrnin paratë në një qendër këmbimi dhe Vrenozi, pronar i një byrektoreje ndërhyri për ndihmë.

Fatkeqësia e madhe i mori jetën Vrenozit, që sot ka tërhequr edhe vëmendjen e institucioneve.

“Për aktin e tij vetmohues në mbrojtje të jetës së bashkëqytetarëve; për veprimin heroik e sublim, frymëzues për mbarë shoqërinë për të reaguar në përballjen me dhunën, krimin e rrezikun për jetën, paqen sociale, pronën e sigurinë qytetare”, thuhet në motivacionin e dekoratës.

Edhe Kuvendi i Shqipërisë ka mbajtur një minutë heshtje përpara fillimit të seancës plenare të sotme.

Comments

Submitted by Anonymous (not verified) on

Vetëmohues*! Shpresojmë të mos jetë bërë gabim dhe në dekret!

Submitted by Prenge Sherri (not verified) on

Kriminelet e Parlamentit kane fyer kujtesen e te ndjerit me minuten e tyre te heshtjes!
I vetmi respekt qe i ashtuquajturi Parlament mund ti bente z.Agur Vrenozi dhe gjithe shqiptareve eshte vetem kur ata te harrojne me marre fryme pergjithmone!

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.