Ligji për minoritetet në Shqipëri me ekspertizë nga BE
Ligji që qeveria shqiptare po harton për minoritetet po asistohet ngushtë nga Bashkimi Europian. Kjo thuhet në përgjigjen që Komisioneri për Zgjerimin, Johannes Hahn i ka kthyer eurodeputetit grek Dimitris Papadimulis, pas shqetësimeve të ngritura prej këtij të fundit për respektimin e të drejtave të pakicave dhe asaj të pronës në Shqipëri. Hahn thotë se Shqipëria është nën mbikëqyrjen e vazhdueshme të Komisionit Evropian dhe vlerëson boshllëqet që dalin në kuadër të procesit të Stabilizim-Asociimit.
"Për sa i përket të drejtave të pronësisë, Komisioni konsideron se janë bërë përpjekje pavarësisht nga fakti se "zbatimi i të drejtave të pronësisë nuk është e garantuar ende dhe procedurat e regjistrimit të pronës, rimbursimit dhe kompensimit duhet të përfundojnë. Komisioni është duke monitoruar nga afër procesin e vazhdueshëm të hartimit të ligjit për mbrojtjen e minoriteteve. Ky proces përfshin konsultimin publik, të ndihmuar nga një ekspertizë teknike ndërkombëtare.
Lidhur me luftimin e korrupsionit në sektorin privat, Shqipëria ka miratuar në viti. 2016 ligjin për mbrojtjen e dëshmitarëve të interesit publik. Komisioni mbështet zbatimin e këtij ligji dhe masa më të gjera kundër krimit dhe korrupsionit"- thuhet në përgjigjen e Komisionerit Hahn.
http://www.avgi.gr/article/10927/7993756/papademoules-pros-komision-labe...
Comments
Fole po s'na the gje!
Fole po s'na the gje! Kacavirje neper pasqyra thone talianet! Keshtu eshte kur kerkon te mbash anen e politikave te nje qeverie si kjo e Edi Rames, arrin nje moment qe ja fut kot se nuk ke çfare te thuash.
Add new comment