Brexit si një mundësi për reformimin në themel të BE-së

Postuar në 02 Korrik, 2016 18:52

George Soros ka mbajtur para dy ditësh një fjalim në Parlamentin Europian ku ka folur për Brexit dhe Europën. I artikuluar si kundërshtar i politikave gjermane mbi BE-në, Soros, analizon me optimizëm votën e daljes së britanikëve, në dritën e reaksionit që ajo ka prodhuar në Britani. Sipas Soros, firmosja e peticionit për të rizhvilluar referendumin është një shenjë që BE-ja duhet ta kapë me pozitivitet për të vënë në jetë ristrukturimin dhe reformat, për të mbyllur mangësitë dhe defiçencat demokratike. “Liderët europianë duhet të njohin gabimet e tyre dhe defiçitin demokratik në marrëveshjet e tansihme institucionale. Më shumë sesa ta shohin Brexit si një negociatë divorci, ata duhet ta kapin atë si një mundësi për të reformuar në themel BE-në. Qëllimi i tyre duhet të jetë krijimi i një BE-je të rikrijuar të cilin Mbretëria e Bashkuar dhe vende të tjera me rrezikun e daljes, të duan t’i bashkohen”, tha Soros.

Kjo është mundësia e Brexit, paralel me krizën financiare që provokoi dhe e përshpejtoi. “Eurozona ka mbetur mbrapa në rimëkmëbjen globale për shkak të politikave fiskale shtrëngues”, shtoi miliarderi duke aluduar këtu rolin e Gjermanisë së Angela Merkel dhe ministrit të saj të Financave. Edhe sistemi bankar europian do të testohet fort duke vënë në pikëpyetje krizat ideologjike që sipas Soros kanë mbajtur Europën këtu ku është sot.

Kërcënimi ushtarak është një tjetër moment i provokuar nga Brexit bashkëlidhur me krizën e emigrantëve. “Marrëveshje me Erdogan nuk ishte europiane, por iu imponua Europës nga Merkel”, tha Soros. Kësaj sfide ai i ka dhënë një zgjidhje teorike bazuar kryesisht mbi financimin. “30 miliardë dollarë në vit do të duhen përtë ndërtuart kufij efektivë dhe agjenci azili...”, shtoi ai, për të nënvizuar se “kriza e refugjatëve nuk duhet të pervertojë marrëdhënien tonë me vendet fqinj”. Kriza e refugjatëve mbetet gjithsesi kërcënim ekzistecial për Europën dhe miliarderi në fjalë mbetet një mbështetës i madh i një Bashkimi Europian, që sipas tij nuk mund të dezintegrohet pa përdorur të gjitha burimet e veta në përgjigje të krizave. 

 

http://finance.yahoo.com/news/full-text-of-soros-speech-to-eu-parliament...

Comments

Submitted by ec (not verified) on

Perpjekja e respublica's, si gazete elektronike, per te patur freskllek ne lajmet e veta duhet pershendetur dhe shume shpesh, si shfletues i saj, gje informacione interesante. Por te ofruarit nje lajm interesant eshte njera ane. Te ofruarit te nje lajmi te sakte, ose akoma edhe me tutje, te nje KOMENTI korrekt, eshte nje gje jo vetem po aq e desheruar por edhe e veshtire!

Fjala e Sorosit ne PE eshte vertet nje lajm! Ndaj ia vlen te lexohet cdo informacion rreth tij, Apo edhe komente! Per kete arsye lexova jo vetem komentin e respublicas, por edhe vet shkrimin origjinal ne yahoo.

Pershtypja ime nga "permbledhja" qe i ka bere komentues-lajmesi eshte se komentuesi duket se ka probleme me analizimin, kuptimin, dhe dhenien ne menyre korrekte te esences, ose thelbit te asaj qe ka thene Soros. Komentuesi e ka "permbledhur" fjalen e tij ne gjoja ne tre pika themelore. Duke lexuar fjalen e Sorosit ne anglisht, kupton sa i pasakte eshte komentuesi kur e permbyll komentin-lajm me "paralajmerimin" e Sorosit per "kercenim ushtarak".

Kur e lexova komentin e respublica's ne fillim nuk vura azgje ne dyshim ne rreshtat e komentuesit. Fakti qe respublika kish dhene linkun e fjalimin ne anglisht dhe kersheria ime per kendveshtrimin e Sorosit per zhvillimet Brexit, me shtyu ta lexoja ne anglisht. Pas leximit te teksit ne anglisht, iu ktheva dhe e lexova edhe nje here komentin e respublicas sepse mu duk se ajo qe thoshte komentuesi i respublicas, ish larg asaj qe lexova ne origjinal. Mu duk se komentuesi, jo vetem nuk kish patur durim ta lexonte deri ne fund fjalimin e Sorosit, por edhe aq sa kish lexuar, e kishte nxjerre jashte kontekstit. Aq sa mendova se nese 'perkthyesi-komentues" nese do ishte futur per te dhene provim anglisht per GRE (studime pasuniversitare), dhe ti ishin dhene pjese nga ky fjalim per te pare aftesite analitike, perkthyesi mund te mos e kishte "kaluar" dot klasen.

Per ta mbyllur: Theksi i fjales se Sorosit mund te permblidhet ne tre pika:
1) perballja me deficitin demokratik - kete gje komentuesi ka arritur ta kape, por ka deshtuar te kuptoje kontekstin qe do te mundesonte ndryshimet ne kete pike.
2) rritja e kapaciteteve financiare te BE - ky element perben edhe pjesen me te madhe te fjales se Sorosit, pasi pa para, nuk mund te besh as njeren (perballesh me deficitin demokratik) as tjetren (qeverisjene e mire dhe permballjen me problemet si ato te sistemit vnkar, krizes financiare apo edhe emigracionit)
3) rruget dhe mekanizmat qe BE duhet te veje ne levizje qe te mund te perballoje me sukses krizat dhe problemet si ato te Greqise dhe vales se refugjateve - ne kete pike, Sorosi nuk flet per "rrezik ushtarak" sic e ka kuptuar komentuesi per per ndryshimin e filozofise se ruajtjes se kufijve te BE-se. Filozofia e deritanishme eshte "secili shtet, te kujdeset per ate cope kufiri qe i bie per hise". Sorosi ben thirrje qe kufijte te menaxhohen jo me individualisht nga shtetet kombetare antare por nga vete BE. Per te bere kete gje, duhen para dhe kjo eshte arsyeja perse Sorosi elaboron ne menyre te detajuar permes c'rrugeve BE do arrinte te kishte me shume para ne dispozicion dhe te perdorte ato ne menyre efikase.

Respublica, gjithe te mirat! Dhe me serioze ne komentin mbi "lajmin" tjeter te radhes!!! Sepse me mire nje lajm/koment korrekt sesa nje lajm/koment u shtremberuar!!!

Submitted by redaksia on

1. Keshillat mbaji per vete.
2. Lidhja ne origjinal eshte aty.
3. Nuk i heq asnje pike asaj qe kam shkruar per aq sa kam shkruar.

Gjithe te mirat!

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.