Ish numri 2 i ALUIZNI-t, Sokol Hasani padit Berishën

Ish-numri dy i ALUZINI-t, Sokol Hasani, i është drejtuar Gjykatës se Larte për të kundërshtuar vendimin e Prokurorisë se Përgjithshme, e cila ka vendosur mos fillimin e çështjes penale ndaj kryeministrit te vendit Sali Berisha. Kallëzimi i rralle, ku një zyrtar shteti padit Kryeministrin e vendit, është depozituar disa muaj me pare nga ish-zëvendës drejtori i Përgjithshëm i ALUIZNI-t, Sokol Hasani, ne organin e akuzës. Ai ka pretenduar se kryeministri Berisha nuk ka reaguar ndaj shkeljeve te kryera ne drejtorinë e legalizimeve, megjithëse nga ana e tij janë vene ne dispozicion një sere dokumentesh që vërtetojnë shkeljet disa milionëshe. Për këtë arsye sipas Hasanit, shefi i qeverise shqiptare duhet te përgjigjet për akuzën e moskallëzimit te krimit. Por ish-numri dy i legalizimeve pretendon se pas kallëzimit te depozituar ndaj tij është marre masa administrative e shkarkimit nga detyra dhe për këtë ai akuzon serish kryeministrin për shpërdorim detyre. Pasi ka marre ne shqyrtim këtë çështje, organi i akuzës ka vendosur mos fillimin e saj me argumentin se nuk ka vepër penale. Por vendimi është kundërshtuar nga Hasani ne Gjykatën e Larte ku sot ishte caktuar seanca e pare e shqyrtimit, e cila u shty pas mungesës se Hasanit për arsye shëndetësore. Gjykata ka vendosur datën 10 shtator për te zhvilluar seancën e radhës.

Vizion Plus