“Listat e pastra ua kërkon ligji që keni bërë vetë dhe jo ambasadorët”

Postuar në 03 Shkurt, 2021 11:32

Pastrimi i listave të kandidatëve, një kërkesë e përsëritur nga ambasadorja amerikane për krerët e partive, ka krijuar përplasje në distancë me kreun e maxhorancës. Një ditë pasi Rama tha se nuk kishte nevojë që ambasadorja amerikane t’i tregonte atij detyrën, Yuri Kim i është përgjigjur, duke i kujtuar se pastrimi i listës është kërkesë e ligjit shqiptar dhe jo e saj. 

Drejtuesit e partive nuk duhet të pastrojnë listat e tyre thjesht sepse disa ambasadorë thonë kështu ose sepse SHBA e kanë bërë të qartë se lufta ndaj korrupsionit është prioritet. Ata duhet ta bëjnë këtë sepse kërkohet nga ligji shqiptar, është ajo që pritet nga një vend aleat i NATO-s dhe aspirant i BE-së, dhe kjo është një shenjë themelore e respektit për votuesit”, shkruan Kim në mesazhin e saj.

Dy ditë më parë, Rama e kaloi përgjegjësinë te kandidatët, duke u shprehur se partia nuk heton kush është i kriminalizuar. 

Ne kemi ligjin zbatojmë ligjin, përgjegjësia e kujdo që gënjen në vetëdeklarim është personale. Partia nuk është polici që të hetojë kush është i kriminalizuar. Nuk kemi asnjë mundësi të ngrejmë salla operative nëse dikush fsheh diçka në lidhje me dokumentacionin e tij”, tha Rama.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.