Ndryshe nga Kryeministri, Majko: Njerëzit po ikin sidomos për shkak të politikës

Postuar në 01 Shkurt, 2021 13:07

Ministri për Diasporën Pandeli Majko ka folur gjatë një interpelance sot në Kuvendin e Shqipërisë edhe për arsyet e largimit të njerëzve. 

Largohen njerëzit se kanë inat qeverinë. Njerëzit largohen për arsyet e tyre ekonomike. Çështja e emigracionit është një histori e cila nuk ka të bëjë vetëm me Shqipërinë, por nëse ka një arsye pse njerëzit po largohen përveç ekonomisë, janë budallallëqet që prodhohen nga politika, siç ndodhi sot në këtë interpelancë

tha ai.

Është një konstatim naiv deri diku, por që ka rëndësi sepse dallon nga qëndrimi konstant  kryeministrit i Edi Rama, që e njeh emigrimin si dialektikë të historisë sonë. Zoti Majko flet për budallallëqe të politikës që mërzisin njerëzinë, mirëpo ne e dimë shumë mirë se nuk e lë kush vendin për gjëra të tilla. Në fakt janë politikat që miratohen në atë sallë kriminale që detyrojnë njerëzit të ikin.

Janë ngritjet e duarve pa menduar, mbyllja e gojëve, memecëria e të emëruarve për projekte pas projektesh, ato që shpërndajnë flamën e të keqes në një vend që është kapur për fyti. Vetë z. Majko ka thënë sot një budallallëk, por kush vallë do vendoste të ikte pse ai këput gjëra të tilla? Askush. Por kur z. Majko dhe të tjerë miratojë prishjen e Teatrit, koncesione shokës dhe miqsh, nuk flasin për kanabizimin, ndërtimin me para të pakontrolluara, atëherë patjetër që shumëkush do nisë të mendojë për të ikur.

E megjithatë edhe kaq mjafton. Një budallallëk i tillë mjafton për të na bindur se ikja perceptohet si problem edhe në kampin e shumicës qeverisëse që ka zgjedhur të mos flasë më veçse për suksese. Duke mos bërë asgjë, por duke soditur, ndoshta me gëzim ikjen e një pjese të madhe të shoqërisë, që përndryshe dikur do të mbilizohej kundër tyre. Sepse nëse ka një piramidë që nuk zgjat është hajdutëria shtetërore, e cila në Shqipëri ka kampione të majtën zyrtare. 

Comments

Submitted by Aqif (not verified) on

Ky i paskrubullt ka degjeneruar postin e min qe mban me kohe, qysh kur nga perfaqsues i Diaspores (per ne si emigrante), u be muxhahedin i Marjam Ragavit dhe i shpalli lufte Iranit vetem per nje akullore qe, deshiron t’a haje ne Teheran. Ai zente frymen inshaallah.
Pandi makedonski, mund te perfaqsoj cdo Parti, grup terroristesh muxhahedin si MKO, minoritet (sic eshte vete), por vetem ne shqiptaret emigrant jo se jo.
Ne nje vend demokratik ky faqezi do te ishte arrestuar per shperdorim detyre dhe agjitacion per bashkim me organizata te huaja qe shpallin lufte kundra nje shteti sovran.
Biles Majko nuk ndryshon aspak nga Hoxha Genci Balla. Qe te dy duhet te ishin me te njejten qeli.

https://youtu.be/rLre2gy_1z4
Ky eshte turpi i ketij vendi.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.