Kosova humbet mbështetësin më të madh në Kongres, por nuk është rasti që Serbia të gëzohet

Postuar në 30 Dhjetor, 2020 11:17

Me largimin e Eliot Engel nga Capitol Hill, Kosova do të humbasë mbështetësin e saj më të madh në Kongresin Amerikan. Pas tre dekadash në detyrë, Engel largohet në janar.

Demokrati Engel ka përfaqësuar pjesë të Bronx - një lagje e Qytetit të Neë York-ut me një popullsi të madhe dhe politikisht aktive, ku jetojnë shumë shqiptarë - që nga 1989 dhe ka siguruar mbështetje për njohjen e pavarësisë së Kosovës nga Serbia në 2008.

Mbështetja e tij e palëkundur për Kosovën gjatë dekadave e ka bërë atë të admiruar në Kosovë, e cila aktualisht njihet si shtet i pavarur nga rreth 115 vende.

Për të njëjtën arsye, në Serbi ai është bërë figurë e diskutueshme.

Megjithatë, largimi i tij nga Dhoma e Përfaqësuesve, ku ai së fundmi kryesoi Komitetin e Punëve të Jashtme të Dhomës së Ulët, duke përdorur pozicionin e tij për të ndëshkuar Beogradin dhe për të mbrojtur Kosovën - mund të mos jetë një rast që Serbia të gëzohet.

73-vjeçari Engel ka thënë se nuk ka ndërmend të dalë në pension pas humbjes së befasishme përballë një drejtori shkolle në zgjedhjet paraprake të demokratëve në fillim të këtij viti. Ai tha se është pyetur nëse dëshiron të jetë ambasador apo nënsekretar në administratën e Presidentit të zgjedhur Joe Biden dhe po shqyrton opsionet e tij, duke ngritur pyetjen nëse ai mund të vazhdojë të ndikojë në politikën e Ballkanit të SHBA.

“Ka shumë gjëra të ndryshme që mund të bëj. Unë nuk do të marr ndonjë vendim tani, por, am duke e menduar për këtë”, i tha ai Washington Examiner në fillim të dhjetorit. “Ndoshta mund të bëj diçka me administratën. Disa njerëz kanë sugjeruar se mbase mund të jem ambasador”.

Duke njohur lidhjet e tij me Ballkanin, është e lehtë të parashikohen planet e ardhshme të Eliot.  

"Nuk e dija pasionin që do të zhvilloja për një cep të vogël të Evropës të quajtur Ballkan", tha Engel më 8 dhjetor, gjatë një prej seancave të tij të fundit të Komisionit të Punëve të Jashtme të Dhomës së Brendshme.

"Unë kam udhëtuar në çdo vend në Ballkanin Perëndimor disa herë, jam takuar me kaq shumë udhëheqës nga kaq shumë parti dhe kam dashuruar larminë e pasur të kulturave, etnive dhe feve. Por asnjë vend nuk më ka prekur zemrën më shumë sesa Kosova", është shprehur ai.

 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.