ShBA nuk e njeh pretendimin e Greqisë për 10 milje hapësirë ajrore

Gazeta greke “Kathimerini” referon sot një raport të Departamentit Amerikan të Shtetit sipas të cilit vihet në dukje fakti se ShBA nuk njeh pretendimin  e Greqisë për hapësirën e vet ajrore. 

Sipas ligjit ndërkombëtar, hapësira ajrore e një vendi përputhet me atë të detit territorial. ShBA njeh pra një hapësirë ajrore prej 6 miljesh që përputhet me detin territorial. Greqia dhe ShBA nuk ndajnë një pikëpamje mbi zgjatimin e hapësirës ajrore të Greqisë

thuhet në raport. 

Dokumenti në fjalë i jep një goditje diplomatike përpjekjve të Athinës zyrtare për të denoncuar ato që i quan shkelje të hapësirës së vet ajore nga Turqia.msipas këtij dokumenti, paqartësia në caktimin e kufijve e bën të vështirë vlerësimin e shkeljeve të pretenduara. 

Ky përcaktim në të vërtetë injoron pretendimin zyrtar grek për hapësirë ajrore 10 milje që thuhet se daton si i tillë që në vitin 1936. Në terma praktikë, ai i krijon hapësirë veprimi Turqisë që kërkon zgjerim të natyrshëm në Egje, zgjerim i cili në thelb është rishikim i ndarjeve të vjetra territoriale.