Ilaçi me të cilin u trajtua Trump, i gjeneruar nga fetuset

Postuar në 09 Tetor, 2020 13:05

Regeneron, koktejli eksperimental i antitrupave monoklonalë, i përdorur nga Donald Trump kundër Covid-19 dhe që ai ua ka premtuar falas të gjithëve, është bërë me qeliza që vijnë nga indet e fetusit, një praktikë që presidenti e ka dënuar vazhdimisht. Lajmin e bën të ditur “New York Times”. Në qershor 2019, administrata Trump pezulloi fondet federale për pjesën më të madhe të hulumtimeve të reja shkencore duke përdorur indet fetale që vijnë nga abortet.

"Promovimi i dinjitetit të jetës njerëzore nga ngjizja te vdekja natyrore është një nga përparësitë kryesore të administratës Trump", shkroi Ministria e Shëndetësisë e SHBA-ve, duke ndaluar "kërkimet e brendshme që përfshijnë përdorimin e indeve të fetusit nga abortet selektive".

Ky lloj qelizash është përdorur gjithashtu për të testuar antiviralin Remdesivir, edhe ai i përdorur nga Trump, dhe përdoret nga të paktën dy kompani për vaksinën Covid, Moderna dhe Astrazeneca. Një zbulim i sikletshëm për një president që është shprehur hapur kundër abortit.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.