Raporti i SIPRI-t, rënie e lehtë e arsenalit ushtarak bërthamor për vitin 2020

Postuar në 16 Qershor, 2020 13:35

Kapaciteti ushtarak bërthamor sot në botë përllogaritet në 13 400 armë. Një raport i Institutit të Stokholmit për Paqen raporton situatën e tanishme në botë në përhapjen e armëve bërthamore mes fuqive që i disponojnë ato.

Janë nëntë vendet që kanë armë të tilla: SHBA, Rusia, Britania e Madhe, Franca, Kina, India, Pakistani, Izraeli dhe Korea e Veriut. 

Ky arsenal përfaqëson një rënie krahasuar me një vit më parë ku sipas SIPRI-t, vendet në fjalë dispononin 13 865 armë të tilla. Nga këto, 3 720 armë bërthamore janë dislokuar me forcat operacionale, mes të cilave 1 800 mbahen në gjendje të lartë gatishmërie. Raporti thekson se ulja e arsenalit ka ardhur në përgjithësi nga asgjësimi dhe nxjerrja nga përdorimi i armëve të vjetra prej Rusisë dhe SHBA-ve, vende që posedojnë 90% të arsenalit ushtarak bërthamor në botë.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.