Projekti/Kontrolle me një pikë kufitare mes Serbisë, Rumanisë, Kroacisë, Hungarisë dhe Bullgarisë

Serbia ka njoftuar këto ditë hapjen në 18 gusht të autostradës Obrenovac-Çaçak, 103 km që është pjesë e krahut lindor të korridorit 10. Mediat serbe citojnë zv.kryeministren Zorana Mihajloviç sipas së cilës vitin që vjen Serbia nis ndërtimin edhe të pesë autostradave të tjera, 

Në dhjetor përfundon seksioni 120 km, Surçin-Obrenovac, pjesë e korridorit 11,ndërkohë që në proces tenderimi janë segmentet, Beogadi i Ri-Surçin dhe përfundojnë brenda vitit 2020 të gjitha seksionet që lidhin vendin me Bullgarinë. 

Në proces pune është seksioni Preljina-Pozega, që lidh vendin me Malin e Zi dhe Bosnjen dhe janë punësuar specialistë për korridorin Moravian. 

Po kështu, zv.kryeministrja serbe ka njoftuar një tjetër zhvillim që ka rëndësi të madhe rajonale. Serbia është duke vënë në lëvizje një projekt për kontrolle të unifikuara kufitare më Rumaninë, Bullgarinë, Kroacinë dhe Hungarinë, pra në një pikë të vetme kontrolli duke eliminuar kontrollet e dyfishta. 

Mbetet për t’u parë sa do të realizohet një gjë e tillë, por nëse ndodh ajo përbën një hap në përshpejtimin e komunikimit dhe krijimin e një hapësire të vetme që lidh vende që tradicionalisht kanë qenë në raporte ekonomike dhe historike të forta.