Burime nga qeveria: Alketa Knuti, emri i mundshëm për drejtimin e Tatimeve

Pas largimit të Enton Duros nga detyra e Drejtorit të Përgjithshëm të Tatimeve, me shumë gjasë do të jetë një zyrtare femër që do ta zëvendësojë. Burime nga kabineti i Kryeministrit Edi Rama, bëjnë me dije për ResPublica se një ndër emrat e lakuar dhe të mundshëm për të marrë drejtimin e DPT-së, është Alketa Knuti. Knuti ka qenë dikur drejtoreshë Kontrolli në DPT, por u largua nga kjo detyrë nga ish-drejtoresha e Përgjithshme, Brisedia Shehaj. Knuti ka përvojë edhe në sektorin privat, njësoj si ministrja e Financave, Anila Denaj, ndërkohë që aktualisht figuron si këshilltare e ministrit për Sipërmarrjen. 

Qeveria nuk ka sqaruar megjithatë se cila është arsyeja e largimit të Duros në vetëm tre muaj.