Ambasadori austriak: Zgjidhja në dorën e shqiptarëve

Përgjimet e fundit kanë bajatosur edhe më shumë situatën politike në vend, ku edhe ndërkombëtarët janë të ndërgjegjshëm se Shqipëria është në fazën e një krize sistemike që buron nga shëndeti i paqëndrueshëm psikodemokratik i gjithë shoqërisë. Është e kuptueshme që imazhet e ditëve të fundit janë fotografia e një vendi me probleme të mëdha përfaqësimi si në qeveri ashtu edhe në opozitë. Nga njëra anë një mazhorancë e diskretituar që riprodhohet përmes një mekanizmi punist të partisë shtet me të njëjtët aksionerë, ndërsa në anën tjetër një opozitë që riciklon pak a shumë të njëjtat interesa. Ndaj dhe komenti i ambasadorit austriak nga Shkodra u është drejtuar shqiptarëve.

“Ndryshimi ndodh vetëm nëse doni ju ndërsa edhe ndërkombetaret bashkë me shqiptarët e duan këtë ndryshim të situatës dhe kjo pa ju është e vështirë të ndodh.

Eshtë e lehtë për të thënë që është faji i klasës politike, është edhe faji juaj, pse rrini në shtëpi, pse nuk shkoni të nënshkruani një peticion, detyroni partitë të jenë të hapura, mos i lini kryetarët të jenë diktator, duhet të gjeni një çështje të mirë për të luftuar që mund të jetë ose jo politike. Duhet të bëni më shumë se politikanet tuaj”.