Krizë e opozitës/ Në zgjedhjet europiane, jelek-verdhët do të merrnin 12%

Postuar në 10 Dhjetor, 2018 13:07

Po sikur jelek-verdhët të kalonin nga rruga te kutia e votës? Një sondazh i realizuar më 5 dhe 6 dhjetor, i porositur nga Republika në Udhë dhe i realizuar nga Ipsos*, një kopje të të cilit e ka siguruar edhe JDD, ka testuar hipotezën e një liste me ngjyrat e jelek-verdhëve në zgjedhjet europiane. Sikur zgjedhjet të bëheshin të djelën tjetër, një listë e tillë do të arrinte 12%. Larg nga lista e Modem (21%) por në garë për vendin e dytë.

Lista e Bashkimit Kombëtar (RN) është në 14%, EELV merr 13%, republikanët arrijnë në 11% dhe Franca e Panënshtruar (LFI) arrin 9%. Duke qenë se jelek-verdhët deklarohen apolitikë, kërkesat e tyre janë të ndryshme, nuk arrijnë as të ndajnë një zëdhënës të qartë (disa arrijnë deri në kërcënime për ata që flasin me qeverinë), një listë e tillë duket e pamundur.

Së pari do të duhej që të kishin një program. Por ama realizimi i një skenari të tillë do të shkartiste lojën. Përqindjet e RN dhe LFI në mungesë të jelek-verdhëve do të ishin më të larta. Grupimet e tjera nuk do të ndryshonin. Pra janë zgjedhësit e Marine Le Pen dhe Jean-Luc Melenchon që do të dëmtoheshin nga një listë e jelek-verdhëve.

Ngelet për të parë ku do të jenë jelek-verdhët pas 6 muajsh.

* Sondazh i realizuar me një kampion prej 957 vetash.

Burimi: https://www.lejdd.fr/

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.