Rusia kundër pranisë amerikane në Qipro

Postuar në 05 Dhjetor, 2018 17:49

Zëdhënësja e Ministrisë së Jashtme ruse, Maria Sakharova paralajmëroi se militarizimi i mëtejshëm i Qipros do të ketë pasoja të rrezikshme dhe destabilizuese për ishullin.

"Rusia do të marrë masat e nevojshme nëse Shtetet e Bashkuara forcojnë praninë e tyre ushtarake në Qipro"- tha Sakharova duke folur me gazetarët. Sipas saj, Moska e kupton fare mirë kontekstin  anti-rus të këtyre planeve të SHBA-ve dhe NATO-s. “Do të marrim masa reciproke nëse këto plane zbatohen”- shtoi ajo.

Reagimet vijnë në një moment kur në detin e Qipros kanë nisur kërkimet për hidrokarbure nga kompania amerikane Exxon Mobil, të kontestuara fuqishëm edhe nga Turqia.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.