Papa: Homoseksualiteti është në modë

"Homoseksualiteti është një "modë" pas së cilës janë të pritur edhe klerikët"- thotë Papa Françesku, duke e bërë të qartë se meshkujt homoseksualë nuk duhet të jenë anëtarë të klerit të Kishës Katolike.

"Çështja e homoseksualitetit është një çështje shumë serioze që duhet të identifikohet që nga fillimi kur përzgjidhen kandidatët për klerikë"- shprehet më tej Papa Franncesku duke iu referuar priftërinjve të ardhshëm.

"Në shoqëritë tona duket se homoseksualiteti është në modë dhe ky mentalitet ndikon në një farë mënyre jetën e Kishës. Është diçka që më shqetëson, ndoshta sepse nuk ka marrë vëmendjen që duhet"- thuhet në librin "Forca e thirrjes", që do të hidhet në treg në 3 dhjetor në të njëjtën kohë në dhjetë gjuhë.

Libri 120 faqesh kronikon bisedën katër-orëshe të Papës me misionarin spanjoll Fernando Prado gushtin e kaluar për tema që i interesojnë kishës sot. Pozita e Kishës Katolike Romake është se aktet homoseksuale janë mëkatare dhe pozicioni i Papës në këtë temë nuk është i ri.
Urdhri për Edukimin e Priftërinjve të Kishës Katolike Romake të vitit 2016 nënvizoi detyrimin e abstinencës nga gjinia, përjashtimin e homoseksualëve dhe atyre që mbështesin kulturën homoseksuale në klasa të shenjta.

"Në jetën e priftit nuk ka vend për këtë lloj dashurie. Prandaj, kisha rekomandon që ata të mos pranohen. Ne duhet të nxisim priftërinjtë, burrat dhe gratë fetare të jetojnë në beqari me integritet dhe mbi të gjitha të jetë përgjegjës në mënyrë të plotë, duke u përpjekur të mos për të skandalizojë as komunitetet e tyre, as shenjtërinë e Perëndisë"- shprehet Papa.