Për 400 mln euro më pak

Postuar në 22 Nëntor, 2018 09:48

Lëvizja e qeverisë së Kosovës për të vendosur taksën nga 10% në 100% për produktet serbe dhe boshnjake që hyjnë në territorin kosovar i ka dhënë një goditje ekonomike pozitave të Serbisë në rajon, por edhe dialogut për normalizimin e marrëdhënieve mes dy vendeve.

Volumi tregtar i mallrave që importohen në Kosovë nga Serbia për 9- mujorin e parë të këtij viti arriti në 400 mln euro.

Ministri Endrit Shala, që drejton dikasterin e Tregtisë dhe të Industrisë, kërkoi publikisht nga prodhuesit dhe nga tregtarët që të fokusohen në cilësinë e produkteve dhe të arrijnë standardin më të lartë që të mos ketë mëdyshje për konsum ditor.

Komuna e Mitrovicës, duke u bazuar në urdhëresën e ministrit, ka marrë vendim që t’i ndalojë të gjitha produktet në treg të cilat nuk i referohen Kosovës si shtet. Nga ana tjetër Beogradi e konsideroi një situatë të rëndë, ndërsa Presidenti Vuçiç mblodhi Këshillin e Sigurisë.

Porosia ime për shqiptarët është Ju lutëm si Zotin, kthjelluni dhe kuptojeni se paqen e kemi të nevojshme dhe nuk na duhen eskalimet, as shqiptarëve e as serbëve. Ju lutëm tërhiqeni këtë vendim dhe ejani të ulemi e të gjejmë një zgjdhje. Ne e kuptojmë se për ju Kosova është shtet dhe e kuptojmë qëndrimin tuaj, por kuptojeni dhe ju që ne nuk mendojmë ashtu

Kryeministri kosovar Ramush Haradinaj e shpjegoi vendimin si kundërpërgjigje ndaj bllokimit që Serbia i bëri anëtarësimit të Kosovës në Interpol. BE nëpërmjet shefes së politikës së Jashtme, Federika Mogerini kërkoi anullim të vendimit pasi sipas saj vendosja e taksës në një masë të tillë shkel marrëveshjen e tregtisë së lirë në rajon, CEFTA. 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.