Edhe Austria tërhiqet nga pakti i OKB-së për refugjatët

Qeveria austriake ka vendosur të ndjekë shembullin e Shteteve të Bashkuara dhe Hungarisë duke u tërhequr nga tërhiqet nga Pakti i OKB-së për emigracionin.

Agjencia austriake e lajmeve APA, vë në dukje se për qeverinë e djathtë depetërimi masiv i emigrantëve kufizon sovranitetin dhe lirinë e veprimit të saj.

Sipas të njëjtave burime Austria në dhjetor nuk do të nënshkruajë paktin, i cili rregullon të drejtat e refugjatëve dhe emigrantëve. Kabineti austriak pritet ta njoftojë vendimin e paktit të tij më vonë gjatë ditës. Kurtz është shprehur më herët këtë muaj se ai nuk pajtohet me disa nga nenet e Paktit të OKB për refugjatët.