Prishi Teatrin, stadiumin, Gardën, mori edhe kullat dhe tani shpall sërish Qendrën Historike të Tiranës

Postuar në 03 Tetor, 2018 22:30

Pasi  miratoi ligjin e prishjes së Teatrit Kombëtar dhe ndërtimin aty të 6 kullave në pronë publike dhe pasi shkatërroi sheshin “Skënderbej”, kryeministri ka vendosur të shpallë qendrën historike të Tiranës dhe zonën mbrojtëse të saj. 

Vendimi është marrë sot në mbledhjen e qeverisë dhe ai formalisht është propozuar nga kukulla - ministre e Kulturës. 

Grotesku i kësaj qeverie të paaftë nuk ka të sosur. Qeveria vetëm vitin e kaluar, konkretisht në muajin prill miratoi një vendim për zonën historike të cilën e rrudhte me disa ha. Dhe me atë vendim justifikohet edhe kazma mbi Teatrin. Zoti Rama tashmë që në Tiranë janë dhënë nja 450 leje ndërtimi, e pasi vuri dorë aty ku deshi, edhe brenda stadiumit kombëtar, po thotë: ja çfarë është historike në Tiranë. 

Do duhet parë harta, por këto akte administrative flasin më mirë se çfarëdo për atë që është qeveria dhe qeverisja e këtij vendi. Me këtë logjikë ndoshta dikur, kur dikush të thotë, edhe i pirë, se Teatri Kombëtar ka qenë vlerë historike, mund të burgoset për shpifje. Sepse paranoja me etikën historikisht shpjegohet me frikën nga zullumet që duhen të  mos përfliten. 

Comments

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.