Garanci të shtuara për Zaev para referendumit. Merkel viziton Shkupin më 8 shtator

Maqedonia mbetet pika më delikate në Ballkanin Perëndimor dhe një vend ku përplasen disa interesa. Provë për këtë është fakti se kancelarja gjermane Angela Merkel do të vizitojë Shkupin më 8 shtator, vetëm tre javë përpara referendumit për Marrëveshjen e Prespës që çoi në zgjidhjen e konfliktit me Greqinë për emrin.

Vizita e Merkel provon kështu investimin direkt të Perëndimit për kryeministrin Zoran Zaev, i cili e ka deklaruar hapur së fundmi se karriera e tij politike lidhet me rezultatet e referendumit. Gjermania ka qenë e angazhuar shumë në zhvillimet në Maqedoni aq sa caktoi edhe një të Dërguar të Posaçëm.