Athina: Reagim i fortë nëse Rusia përpiqet të pengojë Marrëveshjen e Prespës

Athina zyrtare ka përsëritur qëndrimin e saj për të ratifikuar marrëveshjen e Prespës për emrin e Maqedonisë, duke refuzuar çdo presion të Rusisë. Mesazhi është përcjellë për Bloomberg nga Costas Douzinas, kryetar i Komitetit Parlamentar për Marrëdhëniet me Jashtë, i cili ka paralajmëruar edhe Kremilinin.

Nëse rusët do të përpiqen ta pengojnë, reagimi do të jetë i fortë

citohet Douzinas në një artikull në median në fjalë.

Zhvillimet në fjalë vihen në kontekstin e thellimit të ndikimit të NATO-s në Ballkan, çka është shqetësuese për Moskën zyrtare. Ajo që nuk pritej është që kjo lojë e orkestruar nga Perëndimi, kryesisht ShBA të realizohej nga radikalët e majtë të Tsipras që kanë me perëndimin një histori të hidhur që daton që nga koha e luftës civile greke.

Ky fakt pranohet edhe nga ish-kryetari i shërbimit të zbulimit rus Leonid Reshetnikov, sipas të cilit çdo anëtarësim i ri në NATO është keq për Rusinë.