Lavrov, ekzorcisti i së keqes

Ministria e jashtme ruse postoi në profilin e saj  në Facebook një foto "terapeutike", siç e karakterizon ajo imazhin e  ministrit të Jashtëm rus Sergei Lavrov, i cili shfaqet në një sfond me  qiellin blu, buzëqesh dhe mban në shpatulla një flamur të madh rus.

Në Facebook-un e Ministrisë së Jashtme fotoja shoqërohet me fjalët:

"Foto Terapeutike. Të vendoset në pjesët më të prekura të planetit. Në disa rajone gjeografike, mund të ketë efekte ekzorcizmi"

Rasti tipik i një lloj kulti më vete i një zyrtari që është ndoshta i vetmi që konkuron për famë Vladimir Putinin. Për shumëkënd Lavrov konsiderohet si diplomat i klasit të parë dhe larg standardit sovjetik të ministrit të Jashtëm që thjesht përsërit papushim të njëjtin qëndrim.