Operacioni "Fundi i Marrëzisë"

Postuar në 16 Korrik, 2018 17:07

Përfundoi rreth orës 16:30 të pasdites takimi historik i presidentëve të SHBA dhe Rusisë në Helsinki, ku Donald Trump u shfaq shumë entuziast si zakonisht, duke thënë se dëshiron të ndërtojë marrëdhënie të mira me Vladimir Putin.

"Mendoj se është një fillim i mirë për të gjithë botën”- u tha Trump gazetarëve në fund të takimit historik që zgjati më shumë se dy orë në pallatin presidencial në kryeqytetin finlandez.

Miliarderi amerikan, i cili drejton Shtëpinë e Bardhë prej 18 muajsh, ka deklaruar që në fillim se shpresa është për të krijuar një marrëdhënie personale me ish-agjentin e KGB, që po mban frerët e Rusisë që nga viti 2010.

Para  shtrëngimit të parë të duarve, Trump postoi në Twitter një mesazh që i atribuohet marrëdhënieve të këqija Washington-Moskë, të cilat sipas tij vijnë nga "marrëzia e Shteteve të Bashkuara" dhe "gjuetia e shtrigave" që ka ndërmarrë FBI me pretendimin se po heton ndërhyrjen e mundshme të Rusisë në zgjedhjet presidenciale në vitin 2016. Edhe në konferencën për shtyp Trump e Putin thanë se marrdhëniet mes SHBA dhe Rusisë ndryshuan brenda 4 orësh dhe se Lufta e Ftohtë përfundimisht ka mbaruar.

Te dy presidentët u kujdesën të theksojnë faktin se Rusia nuk ka ndërhyrë në zgjedhjet amerikane, një akuzë që ka besdisur jo pak presidentin amerikan që prej marrjes së detyrës.

Comments

Submitted by GR (not verified) on

Te qan shpirti per pak Putin eee??? Kot lodhesh... Eshte muhabet kot...

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.