1 qershori dhe trupa e estradës opozitare

Sot gazeta “Panorama” nxori lajmin e survejimit të kreut të PD-së, Lulzim Basha. Gazeta citonte burime të vetat, pa sqaruar se cilat janë të paktën arsyet e survejimit nga njësi të policisë operacionale.

PD-ja e mori lajmin dhe e bëri fakt të axhendës së saj ditore. Sipas saj, audiopërgjimi i vëllait të Fatmir Xhafës ka çuar në këtë survejim. Se për çfarë nuk sqarohet. Fundja Babalja nuk mbylli asnjë Pazar hashashi, nga Tragjasi në Vlorë, ndaj edhe nuk është se ka prishur ndonjë të tillë. Pse atëherë ky survejim? Dhe mbi të gjitha kush druhet nga z. Basha, kush kërkon ta sulmojë?

(Mendje)Lehtësia me të cilën kjo opozitë i servir opinionit çështje dhe skandale, është e tillë që e bën atë të duket si trupa e një estrade që po aplikon nga teatri në teatër në kërkim të shitjes së biletave. E bëri edhe sot në 1 qershor, duke ja dhuruar festën/ditën e fëmijëve, Lulëzimit.