Hendeku mbetet

Një shfaqje miqësore pavarësisht mosdakordësisë për çështjet tregtare dhe marrëveshjen bërthamore me Iranin,  e cilësuan mediat ndërkombëtare takimin e Donald Trump dhe kancelares Merkel në Shtëpinë e Bardhë.

Presidenti amerikan përgëzoi kancelaren për fitoren në zgjedhje, duke lënë të kuptohet se keqkuptimet janë tejkaluar. "Ne kemi pasur një marrëdhënie vërtetë të mrekullueshme që nga fillimi, por disa nuk e kuptojnë"- tha presidenti amerikan duke e quajtur Kancelaren nje "grua shumë të madhe."

Merkel pranoi se iu desh pak kohë për të formuar një qeveri pas zgjedhjeve vjeshtën e kaluar, por theksoi, megjithatë, se ishte e rëndësishme të bënte në Uashington udhëtimin e saj të parë jashtë Evropës. 

Për çështjen e Iranit, presidenti amerikan tha se nuk priste që me kancelaren merkel të kishte dakordësi në këtë pikë.  "Regjimi iranian po nxit dhunën, gjakderdhjen dhe kaosin në të gjithë Lindjen e Mesme. Ne duhet të sigurojmë që ky regjim vrasjesh nuk është afër një arme bërthamore dhe se Irani do të ndalojë përhapjen e raketave të rrezikshme dhe mbështetjen e tyre për terrorizmin"tha Trump.

Nga ana e saj, kancelarja Merkel deklaroi se marrëveshja e tanishme me Iranin "nuk është e mjaftueshme" për të kufizuar ambicjet e Teheranit, por tha është hapi i parë që ndikoi në ngadalësimin e programit bërthamor të Iranit. Në të njëjtën kohë, ai theksoi se marrëdhëniet SHBA-Korenë e Veriut kanë ndryshuar rrënjësisht në muajt e fundit, duke kujtuar shkëmbimin e fyerjeve që dy liderët kishin shërbyer më parë.

Ai shtoi megjithatë se ai nuk do të përsëriste gabimet e qeverive të mëparshme të Shteteve të Bashkuara dhe do të vazhdojë të ushtrojë presion mbi Phenianin derisa të arrihet çminimi bërthamor. Presidenti amerikan deklaroi gjithashtu tha se mund të marrë pjesë në inaugurimin e Ambasadës së SHBA në Jeruzalem, që do të ndodhë brenda pak javësh.

Në Jeruzalem, shumë presidentë kanë premtuar të hapin një ambasadë. Ata bënë premtime para-zgjedhore, por kurrë nuk patën guximin ta zbatojnë atë. Unë kam bërë atë"-shtoi Trump Në lidhje me çështjet tregtare, pas vendosjes së tarifave për importet e çelikut dhe aluminit, presidenti amerikan  tha se ai është zotuar për të korrigjuar pabarazitë tregtare me Europën.

Duke komentuar mbi reformën e taksave të nxitur nga Presidenti Tramp, Merkel tha se tani SHBA është bërë një vend "shumë interesant" për të investuar, ndërsa për marrëdhëniet tregtare të të dyja palëve, u shpreh se ka vend për negocimin e një marrëveshje bilaterale midis SHBA dhe Bashkimit Europian.