Negociatat/Pas fjalimit të Macron, Franca siguron vetëm Beogradin: Votë pro Serbisë në qershor

Postuar në 19 Prill, 2018 11:54

Deklaratat e presidentit francez, Emmanuel Macron në Parlamentin Europian, janë lexuar gjerësisht si një Jo e Francës për hapjen e negociatave apo negociimin e disa kapitujve me vendet e Ballkanit Perëndimor. Por përfaqësuesi diplomatik i Francës në Beograd, ambasadori, Frederic Mondoloni, ka dalë posaçërisht për mediat serbe për të sqaruar se ky mesazh i Macron nuk ka të bëjë me Serbinë.

E respektoj lirinë e shtypit, por titujt në gazetat “Novosti” dhe “Politika” nuk janë korrekt. Franca do reformimin e Bashkimit Europian dhe kjo është esenca e fjalimit të djeshëm. Macron tha se duhet të ketë dy linja paralele. E para – lidhja e Ballkanit me Europën dhe tjetra – Franca do të përpiqet për zgjerimin e BE-së njëkohësisht me reformimin e tij

tha Molodoni.

Ai ka shtuar se “anëtarësimi i Serbisë do të jetë i mundshëm vetëm nëse Europa reformon veten”. I pyetur mbi votën e Francës  në qershor për hapjen e negociatave për kapituj shtesë nga Serbia, Molodoni ka thënë se:

Ne duam dhe do të mbështesim hapjen e sa më shumë kapitujve të mundshëm në qershor

Garancitë e ambasadorit francez konfirmojnë deri diku kujdesin e Parisit për të mos u konsideruar në Serbi si një bllokues i rrugës europiane, nga suksesi i së cilës varet edhe suksesi i politikës së Vuçiç. Duhet thënë se garanci të tilla nuk janë dhënë në Tiranë apo në Shkup, dy vende që presin hapjen e negociatave me BE-në, çka do të thotë se të dyja vende mund të presin dhe janë të sakrifikueshme. Por deri në qershor do të duhet të pritet sesi do të shkojnë zhvillimet.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.