Ekskluzive/Zbardhet biseda Rama-Meta për negociatat me Greqinë

Siç u bë e njohur, pak ditë më parë, kryeministri i Shqipërisë, Edi Rama zhvilloi një takim në presidencë me kreun e Shtetit, Ilir Meta. Mediat raportuan se të zyrtarët biseduan për çështjen e negociatave me Greqinë dhe marrëveshjen e detit, për të cilën Meta ende nuk po jep autorizimin.

Redaksia e “Të Kripura” ka arritur të shtjerë në dorë pjesë nga transkripti i bisedës që ka qenë shumë e rezervuar.

Rama: Ka ndonjë çikë punë këtu?

Meta: Pse, ke ndërmend ta provosh?

(Qeshin të dy)

Meta: Se ke thënë që jetën e tretë do ja dedikosh artit…

Rama: Po qe se mendon se të kam bërë ndonjë portret gabohesh…

Meta: Jo jo, tani mjaftojnë fotografitë.

Rama: Po vërtet.

Sms e Fugës për Ramën: Mos harro autorizimin

Rama: Se e kujtova, mendoj se duhet të zgjidhim këtë punën e negociatave. Autorizimi varet nga ty…

Meta: Atë po përpiqem të zgjidh. Por ka një problem.

Rama: Çfarë problemi?

Meta: Për të kuptuar mirë hartat e Ministrisë së Jashtme, më duhet të kuptoj kosinusin dhe sinusin…

Rama: Çfarë janë këto?

Meta: Janë ca viza që mezi maten.

Rama: Po si do bësh?

Meta: Për këtë e kam shtyrë autorizimin. Vetëm një njeri mund të ma mësojë.

Rama: Kush?

Meta: Dash Xhika.

Rama: Po i themi ndonjë tjetri, se ka muratorë sa të duash.

Meta: Jo jo Dashi ma shpjegon mua më mirë se ai merr vesh.  Plus e di vetë ti. Unë mund të shkoj te berberi i lagjes për t’u qethur, por jo edhe të bëj kurse gjeometrie me të parin që del.

Rama: Kuptoj.

Meta: Kjo është arsyeja. Pa kuptuar kosinusin unë s’i marr vesh ato që më ka dërguar Ditmiri. Dhe pa Dashin nuk kuptoj dot kosinusin.

Rama: Aman ore se na çan veshët ai I rrugës së Elbasanit, sikur nuk e di ti.

(Hyn shërbimi në zyrë. Ndërpritet biseda)

Shaptilografisti