Ballkani Perëndimor para një mundësie historike

Në raportin e strategjisë së Zgjerimit të Komisioni Evropian që pritet të publikohet të martën në Strasburg Brukseli ka për qëllim të të përshpejtojë ndjeshëm proceset pranimit për gjashtë vendet e Ballkanit Perëndimor. (Serbia, Mali i Zi, Maqedonia, Bosnja - Hercegovina, Shqipëria dhe Kosova).
"Një integrimi i vendeve Ballkanit Perëndimor në BE është në interes të Unionit në nivel të politik, por edhe për sigurinë dhe ekonominë"-thuhet në dokumentin  me titull "një perspektivë e besueshme e zgjerimit për vendet e Ballkanit" .
Ajo që thotë dokumenti është se "me një vullnet të fortë politik, me zbatimin e reformave dhe zgjidhjen e mosmarrëveshjeve të pazgjidhura me fqinjët, vlerësohet se Mali i Zi dhe Serbia do të jenë gati për anëtarësim deri në vitin 2025"
Sipas mendimit të Komisionit Evropian, Ballkani aktualisht ka një mundësi historike për të lidhur në mënyrë të vendosur dhe të parevokueshme të ardhmen e tij në BE. Megjithatë, për ta bërë këtë, duhet të implementohen një sërë reformash dhe përshpejtimi i tyre. 
"Në mënyrë që këto vende të përmbushin të gjitha kriteret e pranimit
dhe forcojnë demokracinë e tyre, nevojiten reforma të gjera dhe bindëse në fusha kyçe si sundimi i ligjit, konkurrenca dhe bashkëpunimi rajonal ". Në veçanti, Komisioni gjithashtu bën thirrje për "një marrëveshje  ligjërisht detyruese për normalizimin e marrëdhënieve dypalëshe midis Serbisë dhe Kosovës".
Sipas Die Wekt Komisioni ka zhvilluar një "Plan Veprimi" të detajuar për këto vende. Ky projekt liston direktivat e menaxhimit të çështjeve, të cilat pritet të ndihmojnë vendet të forcojnë sundimin e ligjit,  përmirësimin e zhvillimit esocio-ekonomik dhe të zhvillojë çështjet e sigurisë. Në veçanti, Brukseli u bën thirrje këtyre vendeve të "krijojnë qendra kombëtare të koordinimit të kufirit për kontrollet kufitare" ose të punojnë më ngushtë me ekspertët e zbatimit të ligjit nga shtetet anëtare të BE.
"BE-ja tani duhet të sigurojë gatishmërinë e saj në nivel institucional për të mirëpritur shtetet e reja anëtare, nëse ato kanë përmbushur paraprakisht parakushtet e pranimit".