Për ata që duan të kuptojnë marrëveshjen e detit me Greqinë...
Sot në emisionin “Opinion” në Tv Klan, që cilësohet si më i ndjekuri dhe më me ndikim në mediat televizive, po zhvillohet “debat” për marrëveshjen e detit me Greqinë. Si për të përligjur seriozitetin e emisionit, që duket se shkon në përpjestim me synimet e organizatorëve, në studio ishin ftuar për të folur, Elisa Spiropali, Mesila Doda, Gent Strazimiri, Panajot Barka dhe Mustafa Nano.
13 minutat e para foli vetëm moderatori Blendi Fevziu. Që i nisi pyetjet me deklarimin se Shqipëria ka falur 12 milje det. Duke luajtur naivin, çka nuk i lejohet një moderatori, z. Fevziu ka kërkuar të ndezë emocionet e një audience që më së shumti keqinfomohet në vijimësi.
Në intervistën e tri ditëve më parë me ministrin e Jashtëm, z. Fevziu nuk këmbënguli për 12 miljet duke kaluar në pikën e dobët të negociatave, çështjen çame.
Mund të pyetet: kujt i flet dhe çfarë mund të thotë Elisa Spiropali për marrëveshjen e detit kur shqetësimi është i karakterit teknik? Po Mesila Doda?
Me siguri që u flasin partive të veta dhe të njohurve. Askujt tjetër. Por kjo është papërgjegjësi e tyre që përdorin veten për të folur për çështje ku duhet të heshtnin dhe përgjegjësi e emisionit që në vend se të zbardhë çështjen, pëpiqet të helmojë opinionin. Një keqbesim ndaj opinionit publik që thjesht po përdoret keq dhe për lojëra të ditës.
Add new comment