Kryeministri bullgar: Në korrik 2015 u synua vrasja e Erdogan
Kryeministri i Bullgarisë, Bojko Borissov, ka dhëë një intervistë për Anadolu Agency ku ka folur për sfidat e presidencës bullgare të BE-së, anëtarësimin e Turqisë në union, luftën kundër terrorizmit, krizën migratore etj. Ai ka folur edhe për Ballkanin Perëndimor duke theksuar se çdo përpjekje e Bullgarisë duhet konsideruar në raport me vendimmarrjen e BE-së që për çështje të caktuara nuk lë shumë hapësirë për ata që drejtojnë unionin.
Një tjetër çështje me interes ishte prononcimi i Borissov për atë që Turqia e konsideron grusht shtetit e që lidhet me ngjarjet e korrikut 2015. Borissov mendon se ajo përpjekje synontë në fakt vrasjen e presidentit turk, Erdogan dhe jo thjesht përmbysjen e tij nga pushteti.
Ajo tentativë për grusht shteti, në të vëretë nuk kishte për qëllim përmbysjen e Erdoğan-it, por vrasjen e tij. Kur merrja kritika për mbështetjen që kam dhënë për presidentin Erdoğan, unë gjithmonë e jepja përgjigjen e njëjtë: Ne marrim për bazë të gjitha vlerat e demokracisë. Nëse vijmë te demokracia, nëse dëshirohet që t’i jepet një ‘shpirt’ këtij koncepti, demokracia i sheh si themelore dhe superiore zgjedhjet, votën dhe zërin e popullit. Marrja e pushtetit duke qëlluar objektivat civile me F16 dhe helikopterë ushtarakë nuk është metodë e pranueshme. Për këtë arsye unë e kam mbështetur presidentin Erdoğan
tha Borisov.
Add new comment