Ëndrra e papërmbushur e Martin Luther King
Më 28 gusht, 1963 aktivisti për të drejtat e zezakëve, Martin Luther King mbajti një fjalim para mijëra njerëzve në Uashington, të cilin e quajti “Unë kam një ëndërr”. Por, siç ndodh zakonisht me njerëz që frymëzojnë kur flasin për ndryshim, barazi apo liri edhe fundi i pastorit nga Atlanta ishte destinuar: Ai u vra më 4 prill 1968, në moshën 39-vjeçare teksa kishte planifikuar “Marshimin e të Varfërve” në Uashington.
50 vjet pas vrasjes së tij, pyetja është shumë specifike: Cfarë ka ndodhur vërtet me ëndrrën e Martin Luther King? Në vitin 2013 në mediat sociale u shfaq një hashtag #BlackLivesMatter, një prirje që u bë një lëvizje. Shkak u bë lirimi i të riut të bardhë George Zimmerman, i cili kishte vrarë të riun afrikano-amerikan Trayvon Martin. Ky ishte vetëm fillimi, pasi në vitet që pasuan gjërat u përkeqësuan.
Në periudhën 2015-2016, afrikano-amerikanët e moshës 15-34-vjeç ishin 9 herë më të ekspozuar ndaj rrezikut për t’u të vrarë nga forcat e sigurisë sipas një studimi të Guardian, ndërsa në këto dy vite vrasjet e afro-amerikanëve të rinj ishin pothuajse dy herë më shumë se të bashkëmoshatarëve të tyre të bardhë.
E gjithë kjo tregon se ëndrra e Martin Luther Kingut për barazi sociale dhe eliminimin e diskriminimit racor nuk është përmbushur. Për sa kohë racizmi shtetëror dhe ai institucional mbeten një kërcënim i gjallë, fjalët tronditëse të Pastorit do të vazhdojnë të kenë kuptim edhe në Amerikën e Donald Trump.
Add new comment