Vetëanimohet ministri i parë i qeverisë Rama

Qeveria aktuale e ka kthyer në standard vetëpromovimin e ministrave përmes xhirimeve që kryhen nga stafet e zyrave të shtypit dhe më pas u përcillen mediave. Meraku është që ashtu si kryeministri Rama apo kryebashkiaku Veliaj, edhe ministrat të jenë sa më shumë të pranishëm në media. Në këtë garë të shfrenuar secili përpiqet të tregohet sa më praktik, ndonjëherë duke mos u kujdesur shume për atë çfarë del në kamera. Protagonizmi ka shkuar deri në atë pikë sa ministrat kanë filluar t’u ngjajnë personazheve të animuara, si në rastin e Ministrit të Turizmit, Blendi Klosi, i cili së fundmi është shfaqur me një kaskë në kokë duke folur për pastrimin e kalasë së Beratit nga këndvështrimi i një alpinisti.