Erdogan thirrje nga Konferenca Islamike për Palestinën

Thirrje për të njohur Jeruzalemin Lindor si "kryeqytet të Palestinës" bëri presidenti turk Rexhep Taip Erdogan si reagim ndaj vendimit të Presidentit amerikan për të transferuar ambasadën nga Tela Avivi në Jeruzalem. 

"Unë u bëj thirrje vendeve që mbrojnë të drejtën ndërkombëtare të njohin Jerusalemin e okupuar si kryeqytetin e Palestinës", tha Erdogan në fillim të samitit të jashtëzakonshëm të Organizatës së Bashkëpunimit Islamik në Konstandinopojë. Në të njëjtën kohë, presidenti turk e përshkroi Izraelin si një "shtet terrorist". 

"Izraeli është një shtet pushtues. Ai është gjithashtu një shtet terrorist "- tha presidenti turk, duke kërkuar që Shtetet e Bashkuara të tërheqin vendimin e tyre" të paligjshëm dhe provokues". "Me vendosmërinë e tyre për të njohur Jerusalemin si kryeqytetin të Izraelit, Shtetet e Bashkuara janë bërë partnerë në këtë gjakderdhje"- deklaroi Erdogan.