Bullgaria kundërshton rishikimin e Traktatit të Lozanës

Bullgaria ka raguar ndaj deklaratave të presidentit turk,  Erdogan për ndryshimin e kufijve mes Turqisë dhe Greqisë duke theksuar se kjo nuk i shërben stabilitetit rajonal. Ministria e Jashtme e Bullgarisë përcolli dje një deklaratë për shtyp përmes të cilës e vlerëson çdo rishikim të Traktatit të Lozanës që përkufizon kufijtë mes Greqisë dhe Turqisë si një lëvizje kundër stabilitetit.

“Bullgaria beson se një diskutim i traktateve të paqes dhe kufijve ekzistues nuk shkon në të mirë të komunitetit ndërkombëtar dhe stabilitetit rajonal. Çdo rishikim i traktateve ndërkombëtare mund të bëhet vetëm me marrëveshje të përbashkët mes vendeve në përputhje me ligjin ndërkombëtar”, thuhet ndër të tjera në qëndrimin e Ministrisë së Jashtme të Bullgarisë.

Deklarata pason komentet e Erdogan gjatë vizitës së fundit në Athinë ku ai foli hapur për nevojën e përditësimit të Traktatit.

http://www.hurriyetdailynews.com/bulgaria-says-border-treaty-revision-no...