CNN: Trump mund të jetë përgjuar nga FBI

Presidenti amerikan, Donald Trump mund të jetë përgjuar nga FBI në kuadër të hetimeve për implikimin rus në zgjedhjet amerikane. "CNN" raportoi të martën se FBI kishte nën përgjim telefonin e ish-kreut të fushatës së Donald Trump, Paul Manafort, gjatë kohës që ai bisedonte "disa herë në ditë" me Donald Trump. Nëse ky informacion është i saktë, gjasat që autoritetet e prokurorisë amerikane të kenë në dorë biseda të presidentit amerikan rriten në mënyrë dramatike.

Nuk është e qartë se kur u dha "drita jeshile"  për të monitoruar Manafort nga autoritetet gjyqësore kompetente, por burimet e CNN thonë se monitorimi zgjati të paktën deri në muajt e parë të vitit 2017. Sipas "New York Times", Manafort do të thirret për të dëshmuar si i dyshuar në hetimin e kryer nga Prokurori Special, Robert Miller për  mundësië e manipulimit të zgjedhjeve presidenciale nga Rusia në vitin në 2016.

Mëngjesin e 26 korrikut, ndërsa Manafort ishte akoma në shtrat, agjentët e FBI-së thyen derën e shtëpisë së tij dhe konfiskuan dosjet, kopjuan arkivën e tij kompjuterike, madje fotografuan edhe kostume të shtrenjta në dollapin e tij.

"The New York Times" vuri në dukje se, në kontrast me ritmin e ngadaltë të shumë hetimeve të tjera, Miller po përdor metodën e "shokut dhe frikës" sistematike për të frikësuar dëshmitarët dhe të dyshuarit e mundshëm". 

Miller po heton jo vetëm ndikimin rus në fushatën zgjedhore dhe përfshirjen e bashkëpunëtorëve të Trump, por edhe të gjitha transaksionet që  Donald Trump ka patur vitet e fundit me rusët. Prokurori special po heton gjithashtu nëse shkarkimi nga Donald Trump i kreut të FBI, James Comey përbën pengim të drejtësisë.

Manafort është duke u hetuar për shkeljen e legjislacionit tatimor, pastrimit të parave dhe dispozitave që detyrojnë lobistë në emër të një qeverie të huaj ta deklarojnë atë. Në shtëpitë e tij, FBI po kërkon prova për llogaritë e mundshme off shore. Miller po heton gjithashtu edhe  shërbimet e ofruara nga ish-këshilltari për sigurinë kombëtare Michael Flin si lobist në emër të qeverive të huaja, si dhe bisedimet që ai kishte vitin e kaluar me ambasadorin e SHBA në Rusi.