Humbet betejën me kancerin Hajrie Rondo
Ndërroi jetë në moshën 66 vjeçare, Hajrie Rondo një nga aktoret më të spikatura të teatrit dhe kinemasë shqiptare. E lindur në vitin 1951 në Delvinë ajo ka luajtur rreth 120 role në teatër dhe rreth 40 role në filma. Gjendja e saj u përkeqësua në vitin 2013 kur nisi një kalvar të gjatë terapish kundër dy sëmundjeve që prekën shëndetin e saj. Rondo do të mbahet mend për rolin e Tanës në filmin “Përrallë nga e kaluara” me regji të Dhimitër Anagnostit, ndërsa ka intepretuar në filma si “Kush vdes në këmbë - (1984) në rolin e Linës. Një emër midis njerëzve-(1983), Nëntori i dytë - (1982), Agimet e stinës së madhe, - (1981), Vëllezër dhe shokë etj.
Rondo ishte tërhequr nga jeta publike për një periudhë prej 4 vitesh, por së fundmi vendosi të sfidojë sëmundjen që e mbajti prej më shumë se pesë vjetësh larg nga skena dhe ekrani, për të luajtur rolin e Zenepes në dramën “Tre dhëndurët” të dramaturgut të njohur shqiptar, Dionis Bubani. Ky do të ishte dhe roli i saj i fundit ose ai i lamtumirës.
Hajri Rondo u prit disa muaj më parë në një takim të veçantë nga kryetari i Bashkisë së Tiranës, Erjon Veliaj, i cili i dorëzoi asaj Medaljen e Mirënjohjes, në shenjë vlerësimi për kontributin e dhënë ndër vite në teatër dhe në film.
Comments
Artiste e madhe dhe e vecante
Artiste e madhe dhe e vecante, qe s'ka vdekje kurre!
Add new comment