“Assad mund të qëndrojë”

Postuar në 16 Korrik, 2017 13:31

Kështu citohet të jetë shprehur presidenti francez, Emmanuel Macron, pas bisedimeve me presidentin amerikan Donald Trump. Macron madje, ka shtuar se “Franca e ka ndryshuar doktrinën e vet për Sirinë”, duke shtuar se tani synimi është asgjësimi i grupeve terrosite kudo që ndodhen. Në fakt këtë thotë edhe Donald Trump, duke sugjeruar kështu se Assad, presdidenti sirian nuk shqetëson më kënd në Perëndim. Agjencia ruse e lajmeve “Sputnik” që ka nxituar të publikojë lajmin shton se Macron ka marrë iniciativën për krijimin e një Grupi Kontakti për të krijuar një udhëzues për zgjidhjen e situatës në Siri, ndërkohë që Trump është shprehur se “po punohet me Moskën për një armëpushim të dytë”.

Qëndrimet e Macron janë pritur mirë në Rusi dhe po shihen si rrugë për t’i dhënë zgjidhje konfliktit në Siri përmes një bashkëpunimi ruso-amerikano-francez. Ky skenar, paralelizon konfeërencën e Astanas dhe nxjerr në periferi bashkëpunimin ruso-turko-iranian në këtë zonë, ndërkohë që nuk jep përgjigje për çështjen më delikate në këtë kuadër: çështjet kurde.

Bashkëpunimi i sugjeruar nga Macron legjitimon çdo veprim të Rusisë dhe i jep goditje politikave të deritanishme të Perëndimit që duket se kanë dështuar. Macron po shfaqet këtu si pika e kontaktit mes SHBA-së dhe Rusisë në një Europë që kontrollohet nga Gjermania. Mbetet për t’u parë se çfarë do të ndodhë, por fakt është se BE-ja ka dalë jashtë loje për momentin.

https://sputniknews.com/politics/201707151055578617-france-syria-policy-...

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.