Vizita pa kuptim e Yee

Postuar në 14 Maj, 2017 14:39

Siç është bërë e ditur nesër mbërrin në Tiranë për një vizitë të radhës, zëvendësndihmës-sekretari Amerikan i Shtetit, Hoyt Brian Yee në një përpjekje për zgjidhjen e krizës. Formalisht mund të thuhet për zgjidhjen e krizës politike, pasi nëse shohim disa hollësi, Yee vjen në Tiranë për të presuar mbi PD-në dhe asgjë më tepër.

Zgjdhja e nje krize dhe ndërmjetësimi kalojnë nga shtrimi në tryezë i opsioneve të kompromisit, ndërkohë që Yee sot ka lëshuar sinjalin se “bojkoti është i papranueshëm”. Ky është një avantazh në paradhënie që zyrtari amerikan i bën qeverisë shqiptare, kreu i së cilës nuk ka asnjë fije hezitimi që të përfitojë nga situata për të likujduar opozitën. Politikisht ky është akt i logjikshëm, si burrë shteti apo si pasardhës i Skënderbeut apo Ismail Qemalit, kjo lëvizje nuk qëndron.

Më tej akoma, Yee e ka infektuar vizitën me përfshirjen në axhendë të një takimi me Majlinda Bregun, dikur një ushtare e qeshur e pushtetit të Sali Berishës, sot opozitare e vetëshpallur.

Mundet fare mirë të pyetet se çfarë do të ofrojë zyrtari amerikan për zgjidhjen e krizës në këto kushte? Nëse i besojmë kësaj axhende dhe deklarimeve të tij ai vjen në Tiranë vetëm për të shtuar presionin mbi PD-në. Kjo është me gjasë një lëvizje e dështuar, pasi opozita sot ka shkuar shumë larg sa të pranojë një kërkesë të ngjashme. Në çdo rast kjo mbështetje e pakufizuar për qeverinë më të inkriminuar dhe korruptuar në Europë, patjetër që do të ketë reflektimin e vet në opinion, pasi jo çdo njoftim që vjen nga jashtë duhet pranuar si i vlefshëm. Sigurisht që PD-ja dhe lidershipi i saj kanë frikën e tyre, axhendën e vet, por parimisht kauza se me këtë qeveri nuk ka zgjedhje të garantuara është objektive. Mbetet në tagrin e opozitës të dëgjojë edhe njëherë PS-në të flasë me gojën e një përfaqësuesi të SHBA, por do të ishte çudi dhe thjesht kundërsens politik nëse do të pranoheshin këshilla si këto që njoftohen sot pa lëshime reciproke.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.