Basha hap krahët për Ilir Metën: Nuk dua të kesh dilema
Dukshëm i entusiazmuar nga deklaratat e Ilir Metës për krijimin e një qeverie besimi, kryetari i PD-së, Lulzim Basha nuk nguroi t’i urojë mirëseardhjen kreut të LSI-së në çadrën e opozitës, gjithsesi me një hije dyshimi nëse ato që tha janë të sinqerta.
“Mbrëmë duke vendosur këto interesa parësore për Shqipërinë një nga dy partnerët e Qeverisë ka bërë zgjedhjen e tij, dhe ne i themi: në qoftë se kjo zgjedhje është e sinqertë mirësevjen te “Shqipëria e para”. Nuk kërkojmë pazare politike, aleanca të kurdisura”- deklaroi Basha.
Për herë ta parë Basha e trajtoi përplasjen me qeverinë si çështje interesash, kur aktorët në lojë mund të humbasin miliarda euro.
“Republika e vjetër, mos harroni, ka në këtë lojë miliarda euro për të humbur. Nuk janë miliardat e tyre, por janë të shqiptarëve, janë tuajat, me të cilat janë pasuruar dhe janë bërë të pushtetshëm”-theksoi Basha.
Add new comment