Zëri i Amerikës: Epërsia e Clinton-it ndaj Trump-it, vetëm 2%

Postuar në 30 Tetor, 2016 09:54

Një anketim i ri në nivel kombëtar i publikuar dje, tregon se epërsia e kandidates demokrate Hillary Clinton përkundër rivalit republikan Donald Trump është ngushtuar së tepërmi. Sondazhi u krye përpara se FBI-ja të njoftonte se ka prova të reja për çështjen e serverit privat të email-it gjatë kohës që zonja Clinton ishte Sekretare e Shtetit.

Anketimi, i kryer nga ABC News / Washington Post, tregon një mbështetje prej 47% për zonjën Clinton dhe 45% për zotin Trump në radhët e votuesve të mundshëm. Kjo është një rënie dramatike krahasuar me anketimin e një jave më parë, sipas të cilit zonja Clinton udhëhiqte me 50% mbështetje, përballë 38% për zotin Trump.

Drejtori i FBI-së, James Comey, njoftoi pardje se agjensia po shqyrton nëse gjendet informacion i klasifikuar në një paisje që i përkiste ish-ligjvënësit Anthony Weiner, i cili ka qenë bashkëshorti i Huma Abedin, ndihmëse e zonjës Clinton.

Rezultatet e anketimit të djeshëm, që e tregojnë zonjën Clinton me vetëm 2% epërsi, bazohen në intervista të kryera nga dita e hënë, 24 tetor, deri në ditën e enjte, 27 tetor, pra një ditë përpara se FBI-ja të shprehej për prova të reja.

Anketimi pararendës, që e tregonte zonjën Clinton me 12% epërsi, ishte kryer gjatë periudhës 20 – 23 tetor.

Gjatë periudhës ndërmjet dy anketimeve, vetë zoti Trump ka fituar 7% pikë më shumë, ndërsa zonja Clinton ka humbur 3%.

Evidentohet një entuziazëm më i lartë në radhët e republikanëve edhe përpara njoftimit të FBI-së. Anketimi i sotshëm tregon se 81% e republikanëve të regjistruar ka gjasa të votojnë, krahasuar me 75% të evidentuar gjatë një anketimi pararendës.

Anketimit të sotshëm i janë përgjigjur 1148 votues të mundshëm, dhe mundësia e gabimit është 3%.

Comments

Submitted by Anonymous (not verified) on

Po si është e mundur që Trump fiton 7 pikë ndërkohë Clinton humbet vetëm 5 pikë. Nga dolën 2 pikë shtesë! Po kështu shuma e anketimit më të fundit këto 98℅, ndërkohë shkrimi mëparshëm 88℅! Duket sikur anketimi i mëparshëm ka pasur të përfshirë edhe dy kandidatët e pavarur, ngjitës i dyti vetëm dy kryesoret! Kjo nuk është një qasje e drejtë krahasuese për ngushtim diferencë. Trump mund edhe të ketë kaluar Clinton...

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.