Ligji për vettingun drejt Gjykatës Kushtetuese, pavarësisht qëndrimit të Presidentit

Miratimi në mënyrë të njëanshme i ligjit të vettingut imlë opozitës vetëm rrugën e ankimimit të tij në Gjykatën Kushtetuese.

“Ekspertët do të presin reagime të mundshme edhe nga grupet e interesit, si komuniteti i gjyqtarëve dhe ai i prokurorëve. Të interesuar drejtpërdrejtë, këto grupe mund të reagojnë ndaj ligjit nëse do të pajtohen me konstatimet e opozitës. Demokratët do të respektojnë edhe afatet kushtetuese. Ata do të presin edhe vendimin që do të marrë Presidenti i Republikës, i cili brenda 20 ditëve nga votimi në Parlament duhet ta dekretojë ose ta kthejë për rishqyrtim ligjin”, raporton Tv Klan, që shton se “Pavarësisht vendimit të presidentit Nishani, opozita, pas respektimit te afateve, do ta ankimojë ligjin”.
Kundërshtimi i opozitës lidhet me prerogativat që i jepen dy agjencive qeveritare si Drejtoria e Sigurisë dhe Informacionit të Klasifikuar si dhe Inspektoriatit të Lartë të Deklarimit të Pasurive në kontrollin e pasurive dhe figurës dhe pasurisë së gjyqtarëve.

vettingu